Organs de govèrn e competéncies. Processos electorals

Es organs que compausen eth Conselh Generau d’Aran son:

Eth Plen, que l’intègren es 13 conselhèrs o conselhères generaus que s’escuelhen eth dia 28 de mai de 2023 e eth sindic o sindica que l’escuelhen es conselhèrs entre un des sòns membres.
Eth sindic o sindica ei un/a des conselhèrs o conselhères, que ges escuelhut/da peth Plen. Ei era maxima autoritat deth Govèrn e dera Administracion d’Aran. A era mès nauta representacion deth Conselh Generau d’Aran e era representacion ordinària dera Generalitat en Aran.
Eth Conselh de Govèrn lo formen eth sindic o era sindica, eth vicesindic/a o vicesindics/ques, se cau, e d’auti conselhèrs generaus toti designadi peth/ra sindic/a.
Era Auditoria de Compdes l’intègren es conselhèrs/es generaus designadi/es peth Plen deth Conselh, entre es quaus i a d’auer aumens un/a conselhèr/a generau de cada grop politic que i a representat en Conselh. Era eleccion des sòns membres se hè ena prumèra session que celèbre eth Conselh Generau d’Aran posterior ara sua session constitutiva.

Corresponen a Aran, per rason dera autonomia politica estatutàriament garantida:

Es competéncies entara gestion des interèssi pròpris, que pòt exercir jos era sua responsabilitat, e era capacitat d’intervier en ahèr que sigue qu’afècte ath territòri.
Es recorsi financèrs sufisents entà complir de manèra eficienta e eficaça es sues foncions e entà prestar es servicis dera sua competéncia, damb autonomia entà gerir-les.
Es potestats administratives superiores qu’era legislacion atribuís as entitats de naturalesa territoriau, mès que mès era potestat entà adoptar dispausicions de caractèr generau, causa que pòt exercir eth Conselh Generau d’Aran damb era maxima amplitud reconeishuda per ordenament juridic.