Contacte
I a ua unica sollicitud entàs tres procèssi convocats: eleccions municipaus, ath Conselh Generau d'Aran e ara presidéncia des entitats municipaus descentralizades.
Eth Burèu deth Cens Electorau enviarà era documentacion entà toti aqueri procèssi electoraus que se celèbren eth 28 de mai a on eth sollicitant hèsque part deth cens.
Sollicitud de vòt
A compdar dera convocacion des eleccions e enquiath 18 de mai es persones que desiren votar per corrèu li cau enviar era sollicitud de vòt ath Burèu deth Cens Electorau.
Era sollicitud de vòt ei unica entà toti es procèssi electoraus convocadi eth 28 de mai. Eth Burèu deth Cens Electorau enviarà era documentacion entà toti aqueri procèssi electoraus que se celèbren eth 28 de mai a on eth sollicitant hèsque part deth cens.
Era sollicitud de vòt per corrèu se pòt hèr:
- Per via telematica, damb certificat electronic arreconeishut, a trauès deth web Correos.es
- De manèra presenciau, en tot autrejar personalaments er elector o electritz er estampat a quin burèu que sigue de Corrèus. Li cau acreditar era identitat damb:
- Eth document nacionau d’identitat (DNI)
- Eth passapòrt
- Eth carnet de condusir
Pr’amor qu’aguesti documents includissen era fotografia e era signatura dera persona titolara; en cap de cas s’admeterà fotocòpies.
Sonqu’en cas de malautia o incapacitat, acreditades per miei d’un certificat medicau oficiau, ua persona que non sigue era interessada pòt corsar era sollicitud de vòt per corrèu, entara quau causa cau que sigue autorizada per un document notariau o consolar provedit individuauments (en aguesti casi, tant eth certificat medicau coma era escritura notariau o consolara son gratuïts).
Un còp eth Burèu deth Cens Electorau admet era sollicitud de vòt, ja non se pòt votar de forma presenciau ena mesa.
ARREBREMBATZ:
Eth termini entà demanar era sollicitud de vòt finalize eth 18 de mai. TERMINI FINALIZAT
Recepcion dera documentacion
Eth Burèu deth Cens Electorau envie per corrèu certificat ua envolòpa damb era documentacion electorau ena abitança que s’age indicat ena sollicitud, non mès tard deth 21 de mai. Ad aguest tèrme i cau ahíger eth temps que tarde eth corrèu a arribar ena abitança der elector.
Era envolòpa conten era documentacion que seguís:
- Eth certificat d’inscripcion en cens.
- Ua papereta de votacion de cadua des candidatures que se presenten as eleccions convocades.
- Es envolòpes de votacion.
- Ua envolòpa dirigida ath president dera mesa que vos correspon entà votar.
- Ua huelha explicativa deth procediment que cau seguir
Er elector a d’arrecéber personauments aguesta documentacion, damb era acreditacion prealabla dera identitat. En cas de qu’er elector non se tròbe ena direccion soslinhada en imprès de sollicitud, calerà que se presente, personauments o a trauès de representacion autorizada notariaument o consolarament (en cas de malautia o incapacitat certificada medicaument), enes burèus de Corrèus corresponents.
Reexpedicion dera documentacion de vòt
En bèri casi, ei possible qu'es oraris de l’burèu de Corrèus empedisquen o dificulten era recuelhuda dera documentacion de vòt. En aguesti casi, ei possible sollicitar era reexpedicion dera documentacion electorau a quin aute burèu que sigue de Corrèus o adreça.
Entà per'mor de demanar era reexpedición dera documentacion, cau presentar-se personalaments a quin burèu que sigue de corrèus e aportar:
- Eth DNI deth sollicitant.
- Un escrit signat peth sollicitant, a on se demane era reexpedicion dera documentacion deth vòt per corrèu, e a on se hèsque mencion:
- Deth nòm, cognòms e DNI deth sollicitant
- Deth burèu de Corrèus o l’adrece a on desire arrecéber era documentacion
- Deth numèro de seguiment que cònste a l’avís de Corrèus en tot indicar ath sollicitant a on pòt passar a arrecuélher era documentacion de vòt
Enviament deth vòt
Un còp s’age escuelhut era papereta de vòt entà cadun des procèssi electoraus a on se desire votar, s’introdusís ena envolòpa de votacion corresponenta (o sense includir papereta, se se vò votar en blanc) e se barre. S’includís era envolòpa o es envolòpes de votacion e eth certificat ena envolòpa dirigida ara mesa electorau e s’envie per corrèu certificat non mès tard deth 24 de mai. TERMINI AGRANIT ENQUIATH 25 DE MAI EN ORARI ABITUAU DES BURÈUS DE CORRÈUS.
Non ei de besonh qu’er elector hèsque aguesta darrèra tramitacion de forma personau.
Estat de tramitacion dera tua sollicitud
Eth procediment de vòt per correu se compause de 3 fases diferenciades:
- Er elector o electora sollicite eth vòt (telematicament o ena oficina de Corrèus) e Corrèus tramet ar Institut Nacionau d’Estadistica - Oficina deth Cens Electorau (INE-OCE) era sollicitud de vòt.
- Er INE-OCE envie as electors era documentacion entà poder votar per corrèu.
- Er elector o electora liure eth vòt a Corrèus, e Corrèus liure eth vòt ara mesa electorau eth dia des eleccions.
Cada ua des trameses se realizarà a trauès d’enviaments certificats e urgents sense cap de còst entar elector o electora.
Seguiment dera sollicitud enes webs der INE e de Corrèus:
- Entà hèr eth seguiment dera sollicitud de vòt enquia que se liure ara delegacion provinciau der INE - OCE:
- S’era sollicitud s’a realizat telematicament, podetz hèr eth seguiment ena pagina a on auetz hèt era sollicitud.
- S’era sollicitud s’a realizat presenciaument, podetz hèr eth seguiment pagina web de Corrèus
- Entà conéisher er estat de tramitacion dera sollicitud qu’a recebut er INE-OCE (mejançant DNI o passapòrt e era data de neishença), as delegacions provinciaus deth Burèu deth Cens Electorau o ath telefòn 901.101.900.
- Un còp era sollicitud ei acceptada, entà hèr eth seguiment dera documentacion electorau enquia qu’arribe en domicili a trauès dera pagina web de Corrèus e mejançant eth còdi de documentacion electorau,
- Un còp recebuda era documentacion e hèt eth enviament dera envolòpa de vòt, podetz hèr-ne eth seguiment mejançant eth comprovant damb numèro de seguiment pagina web de Corrèus.