Convocades eleccions ath Conselh Generau d’Aran e ara presidéncia des entitats municipaus descentralizades entath pròplèu 28 de mai

Aué s’an publicat en Diari Oficial de la Generalitat de Catalunya es Decrèts de convocacion des eleccions ath Conselh Generau d’Aran e ara presidéncia des entitats municipaus descentralizades, que s’aprovèren en Conselh de Govèrn deth passat dia 28 de març. Era publicacion d’aguesti decrèts mèrque er inici deth periòde electorau, que finalizarà eth dia dera votacion, eth pròplèu dimenge 28 de mai.

Tanben se publique era nòrma de supòrt ad aguesti procèssi electoraus, aprovada pendent era madeisha amassada deth Conselh de Govèrn, ena forma de dus decrèts de nòrmes complementàries e un decrèt de subvencions entàs eleccions ath Conselh Generau d’Aran. Es Decrèts de nòrmes complementàries non economiques regulen es aspèctes deth foncionament des eleccions que non son exprèssaments corbidi peth regim electorau generau, eth regim especiau d’Aran o eth regim locau e municipau de Catalonha, e oficializen era documentacion electorau que s’a d’emplegar en aguesti procèssi. Eth Decrèt de subvencions a per tòca finançar es despenses electoraus des formacions politiques d’Aran qu’obtenguen representacion ras des eleccions.

Fin finau, tanben s’a publicat eth Decrèt relatiu ara eleccion indirècta des membres des conselhs comarcaus, que s’amiarà a tèrme en basa as resultats definitius des eleccions municipaus. Aguest decrèt regule es aspèctes dera eleccion des conselhèrs que non se recuelhen ena Lei comarcau de Catalonha.

Decrèts publicadi:

• Decrèt 62/2023, de 28 de març, de convocacion des eleccions ath Conselh Generau d’Aran de 2023.
• Decrèt 65/2023, de 28 de març, peth quau se convòquen es eleccions ara presidéncia des entitats municipaus descentralizades de Catalonha de 2023. Decret 65/2023, de 28 de març, pel qual es convoquen les eleccions a la presidència de les entitats municipals descentralitzades de Catalunya de 2023.

Nòrma de supòrt:

• Decrèt 63/2023, de 28 de març, de normes complementàries non economiques entara celebracion des eleccions ath Conselh Generau d’Aran de 2023.Decret 63/2023, de 28 de març, de normes complementàries no econòmiques per a la celebració de les eleccions al Conselh Generau d’Aran de 2023.
• Decrèt 64/2023, de 28 de març, peth quau se regulen es subvencions e eth contraròtle dera compdabilitat electorau enes eleccions ath Conselh Generau d’Aran de 2023Decret 64/2023, de 28 de març, pel qual es regulen les subvencions i el control de la comptabilitat electoral en les eleccions al Conselh Generau d'Aran
• Decrèt 66/2023, de 28 de març, de normes complementàries non economiques entara celebracion des eleccions enes entitats municipaus descentralizades de 2023.Decret 66/2023, de 28 de març, de normes complementàries no econòmiques per a la celebració de les eleccions a les entitats municipals descentralitzades de 2023.