Conselh Generau d'Aran

Eth dia 28 de mai de 2023 se debanen en territòri d’Aran es eleccions ath Conselh Generau d’Aran, que se dan simultanèaments damb es eleccions municipaus e es eleccions ara presidéncia des entitats municipaus descentralizades.

Eth govèrn e era administracion d’Aran correspon ath Conselh Generau d’Aran, qu’assumís, damb caractèr generau, era gestion ordinària dera Administracion dera Generalitat en territòri. En aguestes eleccions s’escuelhen es tretze conselhèrs o conselhères generaus que constituïssen eth Conselh Generau d’Aran distribuïdi entre es sies terçons en qué se dividís eth territòri d’Aran:

• Pujòlo: 2 conselhèrs o conselhères
• Arties e Garòs: 2 conselhèrs o conselhères
• Castièro: 4 conselhèrs o conselhères
• Marcatosa: 1 conselhèr o conselhèra
• Lairissa: 1 conselhèr o conselhèra
• Quate Lòcs: 3 conselhèrs o conselhères