Contacte
Impòrts e requisits
Eth Decrèt de subvencions, establís es nòrmes següentes entà determinar era subvencion corresponent as despenses electoraus:
- 291,84 èuros per cada conselhèr o conselhèra elegits.
- 0,58 èuros per vòt artenhut per cada formacion politica enes circonscripcions electoraus a on aumens un membre age estat proclamat conselhèr o conselhèra.
- 0,23 èuros per cada elector o electora d'ua circonscripcion electorau a on era formacion politica age artenhut un conselhèr o conselhèra elegits, pes despenses originades pera remesa dirècta e personau as electors des envolòpes e es bilhetes electoraus, o de propaganda e publicitat electorau, cada viatge qu'era formacion politica age presentat listes en totes es circonscripcions deth territòri d'Aran.
Limits
Cap partit, federacion, coalicion o agropacion d'electors non pòt superar en aguestes eleccions, entà despenses electoraus, eth limit que resulte de multiplicar per 0,22 èuros eth nombre d'abitants dera poblacion de dret des circonscripcions electoraus a on presenten candidatures. Era quantitat resultant dera operacion anteriora pòt incrementar-se a arrason de 1.702,59 èuros per cada circonscripcion a on aqueri presenten candidatures.
Era quantitat subvencionada que i hè referéncia era escartada c anterior (despensa per remesa de propaganda electorau) non s'includís laguens aguest limit.
En cap de cas era subvencion corresponenta a cada formacion politica non pòt pas depassar era chifra de despenes electoraus declarades justificades pera Sindicatura de Compdes en exercici dera sua foncion fiscalizadora.
Tramitacion
Era tramitacion des subvencions electoraus se hè en 3 fases, damb es següents requisits:
BESTRETA DEL 30%: REQUISITS
a. Auer arrecebut subvencions enes anteriores eleccions en Conselh Generau d'Aran de 2019.
b. Presentar era sollicitud deuant eth conselh electorau provinciau corresponent, entre eth 25 e 27 d’abriu.
AUANÇAMENT DEL 90%: REQUISITS
a. Auer obtengut aumens un escon,
b. Auer presentat deuant era Sindicatura de Compdes era compdabilitat des despenses efectuades pendent era campanha electorau, entre es 100 e 125 dies següents ath 14 de hereuèr (entre eth 5 e eth 30 de seteme).
c. Constituïr un gatge de 10% der auançament de 90% a arrecéber.
d. Presentar era certificacion emetuda per l’organ corresponent qu'acredite l’aquesiment pes elegidi dera condicion plea de conselhers ath Conselh Generau d'Aran e de l’exercici efectiu deth cargue.
Per auança ar abonament d’aguest auançament, es formacions politiques poderàn sollicitar, mejançant renóncia parciau per escrit, er ajustament dera subvencion autrejada ar impòrt qu’an declarat deuant dera Sindicatura de Compdes quan resulte inferior ar impòrt des subvencions que les corresponerien d’acòrd damb es resultats generaus d’aguesti comicis
LIQUIDACION: REQUISITS
a. Fiscalizacion des comptabilitats electoraus pera Sindicatura de Compdes.
b. Publicacion der informe de fiscalizacion en Parlament.
c. Liquidacion des subvencions electoraus cossent damb eth contengut der informe.