Contacte
Es caracteristiques essenciaus deth sistèma electorau d’eleccion dirècta des conselhèrs generaus, cossent damb era legislacion electorau en vigor, son es següentes:
- Es circonscripcions electoraus son es terçons.
- Es candidatures se presenten en listes barrades e bloquejades.
- I a ua barrèra electorau de 5% des vòts valids ena circonscripcion
- Eth repartiment de sètis se hè segontes era formula de Hondt.
Era distribucion des tretze conselhèrs generaus entre es sies terçons enes quaus se dividís eth territòri d’Aran ei era següenta:
- Pujòlo: 2 conselhèrs e conselhères
- Arties e Garòs: 2 conselhèrs e conselhères
- Castièro: 4 conselhèrs e conselhères
- Marcatosa: 1 conselhèr o conselhèra
- Lairissa: 1 conselhèr o conselhèra
- Quate Lòcs: 3 conselhèrs e conselhères
Eth mandat des conselhèrs generaus s’alongue quate ans e coïncidís temporauments damb eth des còssos des ajuntaments.
Eth Conselh Generau d’Aran se constituís en session publica eth prumèr dia obrant dempús des quinze dies naturaus posteriors a compdar deth londeman der acte de proclamacion d’elegidi. Ena session constitutiva, eth Plen deth Conselh Generau escuelh d’entre es sòns membres ath sindic.