Contacte
Eth cens electorau ei un document que conten era inscripcion des qui complissen es requisits entà votar e non son privadi deth dret de sufragi.
Eth Burèu deth Cens Electorau, comprenut en der Institut Nacionau d’Estadistica (INE), ei er organ encargat dera formacion deth cens electorau, damb era collaboracion des ajuntaments e des consulats.
Eth cens que s’emplegue en cada procès electorau ei eth barrat eth prumèr dia deth dusau mes anterior ara convocacion des eleccions. Entàs eleccions correspon eth cens barrat er 1 de hereuèr de 2023.
- Persones de nacionalitat espanhòla, major d’edat, residentes a quin municipi que sigue de Catalonha e que figuren inscrites en cens electorau.
Non pòden votar es persones de nacionalitat espanhòla residentes permanentaments a l’estrangèra e que son inscrites en cens CERA. - Persones estrangères nacionaus d’bèth un des estadi membres dera Union Europèa, que siguen major d’edat, siguen empadronats en un municipi de Catalonha, agen manifestat era sua volontat de votar as eleccions municipaus e se tròben inscrites en cens electorau d’estrangèra residentes a l’Estada espanhòla (CERE).
(Eth termini de sollicitud d'inscripcion ath cens electorau finalizèc eth passat 30 de gèr, mès se s’auien inscrit en cens electorau des eleccions municipaus de 2019, non calie tornar-se a inscríuer). - Persones estrangères nacionaus d’bèth un des païsi non comunitaris qu'agen signat damb l’Estada espanhòla un Acòrd de reciprocitat (Bolívia, Cap Verd, Colómbia, Corèa, Equator, Islàndia, Norvègia, Naua Zelanda, Paraguai, Peró, Reialme Unit dera Gran Bretanha e Irlanda del Nòrd, Trinitat e Tobago, e Chile), que siguen major d’edat, siguen empadronats en un municipi de Catalonha, agen era carta o certificat de residéncia legau e contunhada per un periòde de 5 ans (3 ans en cas de Norvègia e eth Reialme Unit) anteriors ara sollicitud d’inscripcion en cens electorau d’estrangèra residentes a l’Estada espanhòla (CERE).
(Eth termini de sollicitud d'inscripcion ath cens electorau finalizèc eth passat 15 de gèr).
En toti 3 casi, es ciutadans que complissen 18 eth dia des eleccions, pòden votar.
Votar non ei obligatòri, mès eth dret de vòt s'exercís en un acte unic, ei a díder, en cas d'auer dret a vòt en mès d'ues eleccions convocades ath madeish dia, se li cau votar en totes es que se volerà participar ath madeish moment, non se pòt votar es moments diferenti dera madeisha jornada electorau.
Se pòden consultar es listes electoraus en vigor des següentes manères:
Per mejans informatics:
- Ena pagina web der INE. Ei de besonh era utilizacion d’un certificat digitau o o mejançant eth sistèma Cl@ve.
De manèra presenciau:
- Enes ajuntaments: deth 10 ath 17 d’abriu exposen es listes electoraus en vigor des sòns municipis.
- Ena delegacion provinciau deth Burèu deth Cens Electorau corresponent, que dispòse deth cens actualizat entara sua consulta permanenta. Cau demanar se s'ei includit ath cens des eleccions deth 28 de mai.
Per telefòn:
- En tot trucar ath 900 343 232.
Ath delà, eth Burèu deth Cens Electorau envie a cada elector ua carta censau que conten es dades actualizades dera inscripcion en cens electorau e dera seccion e era mesa a on correspon votar.
Era carta censau a un caractèr simplament informatiu e non servís entà identificar-se ara ora de votar.
Pendent eth periòde d’exposicion des listes electoraus, deth 10 ath 17 d’abriu, tota persona, en cas de qu’es dades electoraus non siguen corrèctes, pòt presentar ua reclamacion:
- Ena delegacion provinciau deth Burèu deth Cens Electorau corresponent: en aguest cas ei de besonh mostrar eth DNI, eth passapòrt o eth carnet de condusir, aportar ua fotocòpia e presentar un certificat d’empadronament.
- En ajuntament deth municipi de residéncia: en aguest cas, ei de besonh mostrar eth DNI, eth passapòrt o eth carnet de condusir e aporta-ne ua fotocòpia.
En tres dies, es delegacions provinciaus deth Burèu deth Cens Electorau resolveràn es reclamacions e ordenaràn es rectificacions pertinentes, que calerà que siguen exposades enes ajuntaments respectius eth 21 d’abriu.
Finalitzat eth termini de rectificacions e reclamacions:
Un còp finalizat eth termini de rectificacions e reclamacions e enquiath madeish dia dera votacion abans dera ora deth barrament des collègis, en cas de non constar enes listes electoraus liurades as meses electoraus, e sonque pes causes especificaments taxades, se poderà sollicitar un certificat censau especific:
- Ena delegacion provinciau deth Burèu deth Cens Electorau: ei de besonh mostrar eth DNI, eth passapòrt o eth permís de condusir, aportar-ne ua fotocòpia e presentar eth certificat d’empadronament.
- Er ajuntament respectiu enviarà era peticion per fax ara delegacion provinciau deth Burèu deth Cens Electorau, autentificada peth secretari o secretaria der ajuntament o persona en qui delegue.
Aguest certificat acredite eth dret a votar deuant dera mesa electorau respectiva.
Tot elector pòt sollicitar d’èster excludit des listes deth cens electorau damb era fin de non arrecéber propaganda postau des partits politics.
Es sollicituds s’an de presentar enes ajuntaments, consolats e delegacions provinciaus deth cens electorau. Tanben se pòden presentar ena sedença electronica der INE
Eth Burèu deth Cens Electorau comunicarà as electors era exclusion sollicitada. Es sollicituds d’exclusion an caractèr permanent enquia qu’er elector se manifèste en sens contrari.